Oraingoan ez dut jatetxe edo tabernarik \u201csalbatuko\u201d, ez naiz Tripadvisor edo enparauen zirrikituetan sartuko herri edo hiriko puntuazio txarrena duen leku horren bila. Gaurkoan gozamenari, dastamenari, usaimenari askatasun osoa eman eta gozatzeko proposamenekin natorkizue, nire eguneroko abenturak eta desbenturak albo batera utzi eta bidaiatu egingo dugu, zuek eta nik, kapa soinean jarri eta goazen elkarrekin Bordeleko kaleetan galdu eta bertako gastronomiarekin gozatzeko leku berezi, kurioso, on eta ederren bila. Gastroheroia on tour, Gastroheroia Bordelen, Gastroheroiaren lehen abentura nazioartean. Bizpahiru kapituluetan kontatuko dizuet bertan bizi, dastatu eta gozatutakoa. Has dadila bidaia, bidaiariak trenera!<\/p>\n\n\n\n
Gastronomia,\nsukaldaritza edota ardoak ia-ia zuzenean lotzen ditugu Frantziarekin. Aitortu\nbehar dizuet frantziarrei ez niela aprezio handiegirik Lizarra Kanpinean\nizandako hainbat kontu medio, baina opor egun batzuk hartu nahi eta helmuga\naukeratzen jarrita Frantzia etorri zitzaidan burura, bere produktuak eta\nsukaldaritza gertutik ezagutzeko interesa banuen eta, gastronomiaren munduan\ngauzatxo gehiago ezagutzen joateko. Bordele edo Paris ziren bi aukerak, baina,\nni bezala gastronomiaren oso zaletu ta Frantzia oso ondo ezagutzen duen Haitzen\ngomendioari jarraiki iritsi naiz Bordelera. <\/p>\n\n\n\n
Nire bidaiaren\nkontakizunarekin hasi aurretik, hainbat gomendio frantziarren jateko ohituren\ninguruan: kontuz ibili ordutegiekin, 12ak eta 14ak bitarte bazkaltzen dute\nnormalean, eguneko menu antzeko formula erabiliz plater bakarra edo sarrerako\nbat eta plater nagusia edo plater nagusia eta azkenburukoa, bakoitzak bere\nprezioa du; iluntzean, komeni 19-20 bitartean lekua hartzea joatea, gero\njatetxeak eta bete egiten baitira; ez beldurtu prezioekin, hau da, etorri\nmentalizatua ez dela merkea, beno, jatea merkexeagoa da, 15-20\u20ac bitartean ondo\nbazkaldu dezakezu, baina, edateak asko igotzen du prezioa, garestia da alkohola\nFrantzian, bai ardo kopak zein garagardo pintak, hori bai, ura non nahi eta\ndohainik edan dezakezu, normalean iturrikoa izaten da. Oharrak botata has\ndadila gure gastronomiaren lehen bidaia. Aipatu, bisitatutako leku bakoitzaren informazioa\nikusteko estekak jarriko dizkizuedala, kuskuxeatu eta interesa izenez gero\nbisitatu ditzazuen.<\/p>\n\n\n\n
Trenean dida\niristen zara, Hendaian hartuta bi ordu eta erdi inguruko bidai baten ostean\niristen zara Bordelera. Iritsi, garraio publikoan ibiltzeko txartela atera eta\nlehenengo jomuga hotela, bertan gauzak uzteko. Erdialdean dago kokatua, hiriko\nepizentro bihurtzen den Sainte-Catherine kalearen alboan. Gauzak utzi eta lehen\nhelburu nagusia, eguerdiko 12:30k inguru direla kontuan hartuta, bazkaltzeko\nleku bat topatzea. Baditut lagunak emandako hainbat erreferentzia, baina lehen\neguna izaki eta pentsatzeko eta antolatzeko denbora askorik ez dudanez, hor\nibili naiz Saint Pierre auzoan barrena leku on baten bila.<\/p>\n\n\n\n
Ez dakit zenbat jatetxe, taberna eta bistrot pasa ditudan, batzuk bai, horietariko asko erakargarriak, itxuran behintzat, eskaintzari buruz ezer gutxi esaterik, nire frantsesaren ezagupena ez baitoa \u201cnon parle fran\u00e7aise\u201d esatetik. Baina, tira, \u201cPorte Dijoux\u201d (erromatar garaian mendebaldeko sarrera zena) ondoan dagoen Marcel Bistrotean hartu dut ostatu, batez ere, erakarri nauen \u201cMagret de Canard\u201d irakurri baitut eguneko eskaintzan. Barruan eseri, bakarrik nagoenetan ez naiz oso terraza zalea izaten, eta magreta eskatu dut, norbaiti dudarik geratu bazaio argi uzteko. Magret bikaina, gutxi egina, zaporetsua, bertakoa (zerbitzariak inguruko baserri batekin lan egiten dutela esan dit), eta saltsa gozo bat neurrian gainetik botata, albo batean patata frijitu sorta eder bat eta letxuga apur bat bere ondoan. Jaki goxoa laguntzeko, nola ez, Bordeleko ardo beltz kopatxo bat, aklimatazio prozesua azkartzeko. Euskaldun on baten gisa, azkenburukoa ere eskatu dut, asko gustatu zaidan etxean eginiko tiramisu bat, oso frantziarra ez, baina, ederra. Zoriz aukeratua izateko ez da leku txarra Marcel Bistrot, badirudi Gastroheroiaren superbotereak handitzen doazela, kar kar kar. <\/p>\n\n\n\n