Uda gainera heldu zaigu eta udarekin batera,\nlehen musika jaialdiak. Festibal batzuk,\nenpresa pribatuak balitz bezela, urtetik urtera haundituz joan dira, bidean\nbeste emankizun txikiagoko batzuk irentsiz. Hala ere bada gurean, bere nortasun\neta printzipioak mantenduz, festibal erraldoi hauei aurre egin eta aitzinat\negin duen jaialdi bat.<\/p>\n\n\n\n
Aipatzen dizuedan jaialdi hau erakunde\npribatuekiko independientea eta aberaste perspektibarik gabea da. Adibide gisa,\nhemen ez duzue sistemaren aurkako kanturik eta mezurik entzungo, eszenatokiaren\nbi aldetara banketxe baten irudi erraldoi bat ageri den bitartean. <\/p>\n\n\n\n
3 egun irauten duen emanaldi honetan ere ez\ndituzue zifra erraldoietan mugitzen diren kanpoko musikaririk aurkituko, eta\nizan ezean, festibalaren nortasunarekin eta printzipioekin bat egiten duten\ntaldeak dira. Hemen, euskarazko taldeek daukate pisua (aurtengo edizioan inoiz\nbaino gehiago gainera) jaialdiak euskararen normalizazioa eta hedapena bai du\nhelburu. <\/p>\n\n\n\n
Antolatutako ekitaldiei begira, musikaz baino\nharatago doa. Dantza, antzerki, tindu, bideo, argazki, bertsolaritza, kirola\nzein literatura bezalako ekintza ezberdinak aurkituko dituzue, beti ere\nherri-kultur eta kontra-kultur ikuspegia landuz.<\/p>\n\n\n\n
Jaialdi hau ere ez da kontsumora\nmugatzen. Konzientziazioa eta gogoeta propioak garatzea du helburu, horretarako\nhainbat hitzaldi eta tailer aurkitu ditzakezue zeinetan feminismoa,\nantikapitalismoa, ekologia, sexu askatasuna, justizia soziala,\ninternazionalismoa, aniztasun kulturala eta bazterkerien aurkako gaiak lantzen\ndiren<\/p>\n\n\n\n
Hemen\nere ez dituzue kanpoko marka eta produktu komertzialik aurkituko, inguruko\nekoizpenek bai daukate pisua. Bertako laborarien eta nekazarien produktuak\naurkituko dituzu nonnahi, beti ere ekologikoak.<\/p>\n\n\n\n
Beste festibaletan ez bezela, hemen ere ez\ndituzue kontraturik gabeko eta gaizki ordaindutako langilerik aurkituko.\nJaialdi hau herrikoia da, auzolanean oinarritua, herritik herriarentzat egina.\nHarreman sozialak garatzea du helburu, gurutzatzeko ohiturarik ez duten jende\nelkartuz, elkarrekin besta eta lana eginez.<\/p>\n\n\n\n
Jaialdi hau EHZ da eta aurten ekainaren\n28,29 eta 30an ospatuko da Irisarrin (Behe Nafarroa). Oraindik garaiz zaudete\nplanak aldatu eta bertara gerturatzeko, ikusle zein laguntzaile gisa. Esperientzi\nahaztezina zinez.!<\/p>\n\n\n\n
AURRERA EHZ!!!!<\/p>\n\n\n\n