{"id":24,"date":"2018-01-30T11:59:08","date_gmt":"2018-01-30T10:59:08","guid":{"rendered":"http:\/\/blogak.gaztezulo.eus\/bat-bi-hiru-hamaika\/?p=24"},"modified":"2018-01-30T12:03:08","modified_gmt":"2018-01-30T11:03:08","slug":"patxangarik-ez-eskerrik-asko","status":"publish","type":"post","link":"https:\/\/blogak.gaztezulo.eus\/bat-bi-hiru-hamaika\/2018\/01\/30\/patxangarik-ez-eskerrik-asko\/","title":{"rendered":"Patxangarik ez, eskerrik asko"},"content":{"rendered":"

 <\/p>\n

\"\"<\/a><\/p>\n

Izeba Rositak 70 urte ditu eta Bartzelonan bizi da. Euskaldun eta euskaltzale aktibista, neskalagun berria aurkezten diozunean euskara badakien galdetzen duen horietakoa da. Ziur nago ea bihotz oneko neskatxa den jakin nahi duela, baina ateratzen zaion lehenengo edo bigarren galdera hori izaten da. Ez du intentzio maltzurrik. Barrutik ateratzen zaiona da; uler dezazun, bere eskema mentalean tresna baten erresorte automatikoa aktibatzen zaio.<\/p>\n

Eskema mental honek arriskuak izan ditzake. Rositak Despacito<\/em> abestiaren euskarazko bertsioa lehenengo aldiz entzun zuenean -Larruren Pixkanaka<\/em><\/strong>– pozez zoratzen zegoen. Telefonoz deitu zidan bere aurkikuntza kontatzeko. \u201cOso polita da! Pila bat gustatzen zait\u201d. Mutu geratu nintzen. Pentsakor. Izebarentzat Luis Fonsi espazioko gerlaria balitz, Goku izango litzateke eta Larru, aldiz, giharrak estu eta ilea hori dituen Vegeta.<\/p>\n

Niri auzo-lotsa eragiten dit.<\/p>\n

Nire osasun musikala zaintzen saiatzen naiz. Eguberrian entzun nuen lehen aldiz Huntzaren Aldapan gora<\/em><\/strong> kanta. Kasu honetan nire amak ohartarazi ninduen bazter guztietan euskal musika astindu duen doinuaz. Bere eskolan -irakaslea da- maiz entzuten dutela esan zidan. Nire familia, euskal patxangaren abangoardia.<\/p>\n